Langileon historiako gertakari garrantzitsuenetako bat da Haitiko Iraultza, eta apenas ezagutzen dugu ezer gertakari haietaz. Frantziako iraultza bere osotasunean aurrera eraman zuen herri xehe beltz esklaboaz, eta esklabotzatik garaiko iraultza sozial eta botere militar handiena eraiki zuten buruzagi beltzen inguruko kontakizuna da jakobino beltzak liburu izugarri hau. Touissant Louverture handiaren bueltan ardazten da kontakizunaren ardatza, SaintDomingue koloniaren testuingurutik abiatu, Frantziako Iraultzan masa eta jeneral beltzek izan zuten paperarekin jarraitu, eta Haitiren independentziaraino luzatuz.
Liburua XX. mendeko 30. hamarkadan idatzia da historiagile marxista eta antikolonialaren ikuspegitik, eta momentuko borroka antifaxistaren beharretik ere, momentu batzuetan modu nabariegi baina identifikagarrian, nire ustez idazketaren kontestuari balioa ematen dio.
Liburuan zehar esklabotza, iraultza, terrorea eta gerraren kontakizunak latzak eta gogorrak dira, baina eskertzen da gordintasuna, momentuaren latza ulertzeko, eta emantzipatzea erabaki zuten esklaboen eta ondorioen izaera tragiko baina ezinbestekoa ulertzeko.
Haitiren historia da, baina baita humanitate emantzipatuarena ere. Irakurtzea eta gehiago jakiteko ildoa irekitzea gomendatzen dizuet.
Grenadye, alaso!
