Ei!
Azaroan Azpeitiko Antzerki Topaketetan egongo gara ikusten ez den obra berezi honekin, eta sarrerak dagoeneko salgai jarri dituzte (sarrera gutxi egongo dira…).
Norbaitek interesa badu: https://sarrerak.kulturaz.eus/eu/events/aeatop-hegan-egiteko-gogoa
Aiaraldeko lagunek #Arrastoan soinu-esperientziaren berri jaso dute.
🎧 Zinemaldiko txokoetan barrena paseatu nahi izanez gero, horra aukera paregabea: https://guau.eus/m/arrastoan-1-audio-ibilaldia-egin-izar-bat-bazina
Laster dator Bilboko itsasadarrari beste modu batez begiratzeko hurrengo paseoa...
Astelehenean estreinatuko da GUAUrentzat egiten ari garen soinu-ibilbideen lehen atala. Proiektu berezia da, erabat ezohikoa kate publikoan eta entzuleen kariño pixka bat beharko duena biziraungo badu…
Hona aurrerapentxoa. Maita ezazue gutxi eta entzun ezazue asko!
Hilabete luzez lanean ibili naiz Bartzelonako Pagans konpainiarekin “Mala herba sempre creix” ikuskizuna sortzen. Natura, herri kondairak eta teknologia.
7-12 urte bitarteko haurrentzako ikuskizun oso berezi eta oso desberdin bat da, eta sorkuntza-prozesua ere bizi-bizia izan da, erabaki ausart askorekin.
Atzo egin genuen azken entsegu irekia. Datorren astean, estreinaldia Fira Tàrregan. Ea EHra eramateko aukera daukagun.
Poz, neke eta urduritasun koktel hau konpartitzen dut zuekin. Topa!
Ez dugu, antza denez, Euskal Erdiko programazio kulturalaren erdia ere merezi. @maikoxki -k joan den astean hemen azaldutakoaz idatzi dut https://blogak.argia.eus/boligrafo-gorria/2026/07/26/erdiaren-erdia-ere-ez/ #EzetzAsteaOndoBukatu
@gorka_bm Eskerrik asko kontu honetaz hitz egiteagatik!
Teorian, udazkenean helduko da legea Legebiltzarrera eta ea eztabaida publiko pixka bat sortzen den, ze bestela...
Lau urtean behin kalean pantaila erraldoiak baditugu da egunero hau gertatzen delako gure plaza eta kultur eremuetan: Erriberriko antzerki jaialdian, 31 antzerki-saio. Bat bakarra euskaraz.
Partida egunero jokatzen da, ez lau urtean behin.
https://www.berria.eus/kultura/erriberrin-izatea-bera-ere-ospatuko-dute_2161173_102.html
Ez ditugu entzuten, baina gure inguruan daude, atezuan.
Mamu batzuk harrapatu ditut kasete batean eta orain entzungai daude walkman baten barruan, Aiaraldea Ekintzen Faktorian. Eta nahi duzunean joan zaitezke soinu-instalazio minimo eta hauskor hau entzutera. Noiz arte? Walkmanaren pilak agortu edo piezaren bat izorratzen den arte.
(Zorionekoak gu halako espazioak ditugulako sormenari denbora eta baliabideak eskaintzen)
Badakit badakizuela, baina badaezpada:
Ez da beroa, kapitalismoa da.
"Gure heriotza seguruago botako dugu zuzenean Instagramen edo Tik-Token, eta ez du inork ikusiko. Giza hondakin izatea nahikoa ez eta gainera hondakin digitalak bihurtuko gara. Spama zara, eta spama bihurtuko zara"
Gantzaren hori. Eta zer arreta gutxi jartzen diogun astiro entzun eta begiratzeari. Eta astiro sortzeari. Eta astiro entzun eta begiratuko diren gauzak sortzeari. Eta...
https://www.berria.eus/iritzia/arkupean/munduan-egoteko-modua_2159151_102.html
